Saksi ang buong kaharian ng nilikha ng Diyos sa nakakahalinang iyak ng sanggol sa natatanging ika-18 araw ng Hulyo taoong 1997. Isang regalo mula sa maykapal ang ipinagkaloob sa mag-asawang Ginoong Rodel Arellano at Gng. Marissa Arellano. Panganay sa tatlong magkakapatid na sina Ehdrian Arellano at Crizel Arellano. Tila nagsiawitan ang mga anghel sa kauna-unahang pagkakataon ay ngumiti ang munting prinsipe. Magiliw na tinahak ng batang iyon ang pagdaan ng panahon. Nakapagtapos ng elementarya sa Mababang Paaralan ng Sta. Anastacia. Tumuntong ng hayskul sa Sta. Anastacia – San Rafael National High School. Doo’y nahubog at lumago ang kakayahang kanyang mga natutunan mula pagkabata. Nakasalamuha ng napakaraming uri ng tao. Sumailalim sa iba’t-ibang suliranin sa buhay ng kasama ang kanyang mahal sa buhay at syempre ang lumikha.
Naglaro, tumakbo, humiyaw, tumalon, nadapa at umibig. Hindi sya naging iba sa karaniwang napagdadaanan ng isang simpeng bata. Naglaro at tinakbo ang buhay na punung-puno ng kagalakan at pasasalamat. Nabansagang “Joker of the Year Kahit Waley” awardee ng kanyang mga kapwa kamag-aral at mga kaibigan.
At syempre, tulad ng lahat ng prinsipe siya ay nakatagpo ng prinsesa. Isang binibining nakaagaw ng kanyang atensyon noong siya ay nasa ika-unang taon ng kolehiyo. Ang babaeng masasabi nyang isa sa pinakamagandang nangyari sa kanyang buhay, si TugsTugs.
Sa ngayon, siya kasama ng kanyang pamilya, kaibigan at ng Panginoon ay tinatahak ang kursong Bachelor of Science in Computer Engineering sa First Asia Institute of Technology and Humanities, at naglalayong makamit ang kanyang katibayan ng pagtatapos kasama ang mga naunang nabanggit, ay gusto niyang makamit ang tamis na tagumpay na kahit sino ay ninanais.
Teka nga lamang pala, nakalimutan kong magpakilala. Ako nga pala si Derell Arellano, ang munting prinsipe. 🙂